सरत्या वर्षाला दाखवून पाठ
चालुया आता नववर्षाची वाट
करूया थोडासा थाट-माट
आली पहा रम्य पहाट
नवचैत्यन्याचे वाहतील वारे
नको विसरु या जुने सारे
चैत्यन्याचे नवे धुमारे
उजवून टाकू आयुष्य सारे
नवीन स्वप्ने , नव्या आशा
नवीन आभा , अन नव्या दिशा
जुन्या आठवणी, नव्या अपेक्षा
उमेद नवी, अन नव्या आकांक्षा
सगळेच बरोबर घेऊन जाणे
मागील दुःखे सोडून देणे
नवा श्वास , नवा उत्साह
नव्या जोमाने पुढे जाणे
सारे डाव नव्याने मांडू, जुनी नाती सुदृढ करू
नवे खेळ चालू करू अन नवे सवंगडी जमा करू