Category: Short Poems

निघून गेलीस तू दूरच्या प्रवासाला! संस्काराची शिदोरी देऊन ती आम्हाला! माहित होते की हा प्रवास आहे अटळ .. पण माहीत नव्हते हीच आहे ती वेळ! किती वर्षांच्या, दिवसांच्या, क्षणांच्याच साक्षी! मनी बघता फोटोत दृश्यरुप तेची! डोळ्यासमोर येते ती तुझीच मूर्ती! पाणीदार तुझे डोळे येती नजरे पुढती! दिवस जातील, पुन्हा रुळून जाऊ जीवनाशी! काव्यरूपी ही श्रद्धांजली तुझ्या चरणाशी!

आठवतो स्पर्श तिचा येथील प्रत्येक ठिकाणी,उगीचच मग स्वतः हात फिरवुनीघेते तो अनुभवुनी….कुठे हरवला तो स्पर्श?ते श्वास ते मायेने पाहणारे डोळे!साऱ्या सुखाच्या राशी,केल्या जरी रित्या तरी,ते प्रेम ना मिळे!आठव आठव आठवांचा,पिंगा घालुनी साद घालीते अंतरातुनी…होतीस तोवरी न जाणले,महत्व तुझ्या असण्याचे..प्रत्येक टप्प्यावर आयुष्याच्या आता,या जिवाला सलते तुझ्या नसण्याचे…..काय सांगावे दुःख बापुडे होऊन गेले….माय तुझ्यासवे जगण्याचे आयुष्य राहून गेले……

मनातले गाणे माझेशब्दात उतरणार होते एकटाच इथे मीआशेने काळीज झुरत होते वाट तुझी पाहतानामाझाच मी ना राहिलो गाण्यासाठी गीत तुझे तेओष्ठपर्ण बनून रंगलो

अमावस्येचा अंधार संपुन उगवली चैत्र शुद्ध प्रतिपदाजाऊदे सरुन सारे दु:ख, त्रास दैन्य अन आपदा.. नव्या पालवीपरी फुटु दे आशांचे धुमारेगगनावरी जाऊदे मनीच्या स्वप्नांचे मनोरे.. नववर्षदिनी आज घेऊ संकल्प आगळासत्कर्माने उजळूदे आयुष्य सोहळा.. यशकिर्तीची गुढी उंच उंच चढु देसुखसमाधान सदा घरीदारी नांदु दे… हीच प्रार्थना आमची चरणी ईश्वराच्यागुढीपाडवा देऊन जावो तुम्हाला आठवणी सुखाच्या..

आयुष्याच्या उंच गुढीवर,सद्भावनांचे वस्त्र ! सुखदुःखाच्या आठवणींची,कडुलिंबाची फांदी ! आनंदाचे क्षण वेचणारी,रंगीबिरंगी फुलमाळ ! त्यावरी शोभे निरोगी,आरोग्याची साखरमाळ ! सर्वांस बांधतो धागा,आपल्या संचिताचा ! वरती चमके सोनेरी,सुंदर गडू रामभक्तीचा !

उभारू या गुढी! कर्तव्याची ही गुढीतिला धैर्याची फांदी, माधुर्याची साखरमाळ,आनंदाची रंगीबेरंगी फुलमाळ सर्वसमावेशक गडूलासद्विचारांचा शेला लावू आरोग्याची मानसगुढी ही उभारुजीवन अधिकाधिक समृद्ध बनवू

रंग बरसले,तनूवर सजले |मनात झिरपताच …श्रीरंग अवतरले ||