जीवनाचे सदर वाचायला
नजर असावी लागते।
मजकुरांच्या जंजाळातून
सफर करावी लागते
जीवनाचे सदर..।।
भरगच्च पृष्ठांच्या लाटा
अंगांगावर झेलत
क्षर अक्षरांची ही नित्य
कदर करावी लागते
जीवनाचे सदर….।!
छोट्या मोठ्या वार्ता त्या
वारेमाप वादळवाटा
तोटे खोटे खरे काय
खबर असावी लागते
जीवनाचे सदर….।।
जळीत बळी कानपिळी
उपासमारी कथांच्या
व्यथा साफ पचवताना
भावभावनांची नजर मरावी लागते
जीवनाचे सदर वाचायला
नजर असावी लागते.